Се вика „CHADOX1 NCOV-19“. Станува збор за вакцина против коронавирус, која е во експериментална фаза и на која работат Универзитетот во Оксфорд и компанијата „Advent irbm“ од Помезија во Италија.
Министерот за здравство, Роберто Сперанца, потпиша договор со други европски партнери од Германија, Франција и Холандија, како и со британско-шведскиот фармацевтски гигант „AstraZeneca“, кој предвидува 400.000 дози на вакцината да бидат достапни за европските граѓани до крајот на годината.
Со брзо темпо, компаниите ширум светот работат на вакцина против коронавирус. Тоа е глобална трка за здравје – но и за профит.
Личниот консултант на министерот, Валтер Ришарди, рече дека оваа вакцина ќе биде наменета за здравствените работници и оние делови од населението, кои се најзагрозени од возраста и бројот на веќе постојните болести, а потоа и за остатокот од населението.
Фармацевтскиот гигант „AstraZeneca“, од каде објавија дека ќе произведат две милијарди вакцини на глобално ниво, зборуваа за вакцината што е создадена во лабораторијата „Jenner Institute“ на универзитетот Оксфорд. Како што подвлече претставникот на фармацевтската компанија, Паскал Сориот, дали вакцината е успешна ќе се знае до крајот на летото.
Но, каква е улогата на Италија во целата оваа приказна? Имено, Италија, како што пренесуваат локалните медиуми, има централна улога затоа што, како што наведуваат, „не само што ние сме првиот што го потпишавме договорот, туку Irbm од Помезија исто така има голема улога во сето ова“.
„Во потрагата по вакцината, Италија е скоро на прво место“, вели министерот за здравство Сперанца за бројни медиуми и додава: „Вакцината се заснова на вирусен вектор, т.е. користејќи вирус сличен на оној што сакаме да се одбраниме, но не и агресивен, за кој се лепат генетските информации и за кои се надеваме дека ќе ја активираат имунолошката реакција на организмот“.
Вакцината ќе биде тестирана во Бразил и Англија, каде веќе се пријавиле 5.000 здрави луѓе. Оваа одлука е донесена затоа што вирусот во моментот е слаб во Европа, така што на научниците ќе им биде тешко да ја утврдат неговата ефикасност, па затоа е потребно луѓето што ќе го извршат експериментот да бидат здрави, но во средина каде што вирусот е многу присутен и каде е силата на инфекцијата е сè уште силна.
Експериментите вклучуваат три фази:
Во првата фаза досега се опфатени 1.000 здрави луѓе на возраст меѓу 18 и 55 години. Според протоколот, во втората и третата фаза ќе бидат опфатени 10.000 волонтери, во кои ќе бидат опфатени деца и постари лица. Резултатите од третата фаза се очекуваат на крајот на септември, додека резултатите од првата фаза ќе бидат објавени за неколку дена.
Министерот Сперанца тврди дека вакцината е единственото дефинитивно решение кога станува збор за Ковид-19: „За мене вакцината секогаш ќе биде нешто што е за глобална благосостојба, право на сите граѓани и не е привилегија за избрани луѓе“.
Министерот, исто така, сподели за „Кориере дела Сера“ дека вакцината ќе ја плати италијанската држава, дека ќе биде бесплатна и дека најзагрозените ќе ја добијат најпрво.
„Зборуваме за вакцина која е пред сите други, експериментите врз луѓето започнаа во април. Голем дел од производството ќе биде во Италија благодарение на компаниите од Помезија и Ананија“, рече Сперанца, која се надева дека вакцината ќе се покаже како успешна и покрај предупредувањата од многу експерти дека за добра вакцина треба многу време и не се исклучува дека никогаш нема да се пронајде, како што е случајот со многу болести.