Италијанците се плашат од странски инвеститори: Може да го искористат колапсот и да ги преземат домашните компании

од Stefanija Kuzmanovska

Италија планира да прошири посебни овластувања за заштита на стратешките компании од несакани странски интереси, изјави претставник на италијанската влада, додавајќи дека мерките би важеле и за инвеститорите од другите земји на ЕУ.


Планот ја отсликува загриженоста на италијанската владејачка коалиција дека странските инвеститори би можеле да ја искористат предноста од сегашниот колапс на цените на акциите, како резултат на кризата со коронавирусот, за купување компании од стратешко значење за земјата, пренесе „новац.хр“.

Вицепремиерот Рикардо Фракаро во саботата рече дека Рим ќе ги прошири овластувањата за надзор над целиот банкарски и осигурителен сектор, како и во здравствениот и секторот за храна. Предлог-законот наскоро ќе биде предложен на италијанската влада, додаде тој.

„Прописите ќе се применуваат и за трансакциите во рамките на ЕУ“, истакна Фракаро.

Благодарение на новите овластувања, владата ќе може да ги блокира обидите на актерите од ЕУ или оние кои не се членки на ЕУ да купат удели во стратешки важни компании.

Од 23 февруари, кога Италија ја воведе првата група мерки за борба против пандемијата, индексот на берзата во Милано опадна за скоро 35 проценти.

„Јасно е дека, во ова време, потребно е да се стават под државна заштита компаниите кои се важни за развојот на земјата и да се прошири нејзиниот дофат на европско ниво. Нашиот приоритет е да го заштитиме националниот интерес од која било шпекулативна цел“, рече Фракаро.

Постојните закони за таканаречените „златни залихи“ и даваат на владата вето за зголемување на поседувањето на неевропските играчи во стратешките компании во секторите енергетика, телекомуникации и воена опрема, како и во клучната финансиска инфраструктура, вклучително и Миланската берза и платежниот систем.

Фракаро рече дека според новиот предлог-закон, владата исто така ќе може да интервенира по своја иницијатива без да чекаат официјални известувања од вклучените компании. Тој додаде дека за наведените компании неопходно е да се намали нивото на удел по што инвеститорот мора да го извести регулаторот Consob за набавката.

Влијателниот парламентарен комитет за безбедност (COPASIR) минатиот месец ја повика владата да подготви план за кризи за да спречи непријателско преземање од страна на водечките кредитори и осигурителни компании.

Членовите на одборот предупредуваа на ризикот италијанските позајмувачи да се оддалечат од матичната земја по преземањето, што може да влијае на рефинансирање на италијанскиот државен долг „тежок“ 2,400 милијарди евра.

Слични содржини