Иванов: Францускиот предлог да се отфрли!

Поранешниот претседател Ѓорге Иванов, го отфрли францускиот предлог за почеток на преговорите со ЕУ.

Тој вели дека останува „противник на сите подли игри за разнебитувањето на Република Македонија и повикува на негово отфрлање“.

-Со вакво „решение” Република Македонија ќе биде втурната во правна, политичка и историска бездна. Македонскиот народ повторно е сведок на национално предавство. Човечкото достоинство и стекнатите права се црвените линии кои не смее да се преминат. За нив не се разговара и не се преговара. Непокорот е единствениот излез. Одбраната на Македонија е обврска на секој од нас. Да живее Република Македонија!, напиша Иванов на својот Фејсбук профил.