„ИЗДРЖА“ САМО 6 МЕСЕЦИ: Почетино се враќа во Премиер лигата

од Stefanija Kuzmanovska

Според странските медиуми, сегашниот тренер на ПСЖ, Маурисио Почетино, нема да остане во Париз долго време. Имено, тој влегол во преговори со англиски Тотенхем и неговото враќање во Премиер лигата е се поизвесно. Доколку се постигне овој договор, аргентинскиот стручњак би го напуштил парискиот клуб по помалку од шест месеци.

Потсетуваме, Почетино беше отпуштен во Тотенхем во ноември 2019 година. И на клупата на „спарс’, тој беше заменет со Жозе Мурињо, кој пак беше отпуштен овој април.

Лондонскиот клуб ја заврши сезоната со Рајан Мејсон, а управата сака што побрзо да најде трајно решение.

Почетино е се уште тренер на Пари Сен Жермен, кој го презеде во јануари, по отказот на Томас Тухел, а договорот со францускиот тим за Аргентинецот истекува во јуни 2022 година.

ПСЖ го освои Купот на Франција со Почетино, играше во полуфиналето од Лигата на шампионите, додека во Лига 1 го освои второто место.

Слични содржини