Израелските медиуми тврдат дека израелскиот безбедносен кабинет ќе се состане вечерва за да разговара за прекинот на огнот во појасот Газа.
Според „Jerusalem Post“, премиерот Бенјамин Нетанјаху свикал состанок на безбедносниот кабинет во 19 часот.
На состанокот ќе се разговара за прашањето за постигнување на примирје во Појасот Газа.
Повикувајќи се на неименувани извори, израелските медиуми денес објавија дека се очекува значителен напредок во следните 24 часа во преговорите за воспоставување на примирје во Газа.
Тензиите на Блискиот исток избувнаа за време на Рамазан, откако израелските сили извршија напади врз верниците во Ал-Акса. Ескалацијата на тензиите беше предизвикана од одлуката на израелските власти за иселување на палестински семејства од населбата Шеик Џара.