Јовески: Тезата за транспорт на гориво во изгорениот автобус е шпекулација

Обвинителството на Северна Македонија собира  биолошки материјал од роднините за ДНК анализи на загинатите  од несреќата на автопатот Струма, ова го изјави за БТВ државниот обвинител на Република Северна Македонија Лубомир Јовески.

Според него тезата за транспорт на гориво во изгорениот автобус е шпекулација, напоменувајќи дека при увидот на автопатот видел пластични туби кои не биле изгорени.

„Нема да водиме паралелна истрага, ќе соработуваме со  обвинителството на Бугарија. Ќе ги чекаме резултатите, а потоа обвинителството на Северна Македонија ќе одлучи што понатаму“, рече Јовески.

Во однос на двете водечки верзии за причината за несреќата – техничка неисправност или човечка грешка, Јовески рече  дека истрагата ќе покаже точните причини.