Државниот јавен обвинител, Љубомир Јовески денеска на прес конференција истакна дека во македонското јавно обвинителство пристигнале претставници на јавното обвинителство на Бугарија.Тој извести дека при вештачењењто пронајдено е уште едно тело и бројот на жртви е искачен на 45.
“При вештачењето на изгорениот автобус во неговите изгорени делови е најдено уште едно тело, тело на младо лице. Немам детали каде точно, во кој дел на автобусот, е пронајдено телото, но е меѓу другите изгорени работи во автобусот”, кажа денеска Јовески.
Тој посочи дека во текот на утрешниот ден ќе им бидат предадени ДНК анализите на роднините на загинатите, како и целата документација која ја собрале.
Се работи за документација на агенцијата Беса Транс, регистрација на автобусот како и податоци од Министерството за транспорт и врски.