„ЈуЕс Опен“ воведува часовник за одбројување на времето за сервис

од Vladimir Zorba

Од раководството на Отвореното првенство на САД во тенис донесоа одлука да воведат часовник, кој ќе ги брои секундите за сервирање. Максималното време на располагање на играчите ќе биде фиксно – 25 секунди.

Исто така, ќе има промена во времето за старт на натпреварот, при што првиот поен треба да започне не подоцна од седум минути, откако двајца тенисери ќе излезат на теренот. Идејата е играчите да имаат 1 минута за излез, 5 минути за загревање и 1 минута за првиот поен.

Повреда на овие правила може да резултира со парична казна до 20.000 долари. Новините за кои станува збор беа тестирани минатата сезона во „Финалето на новата генерација“ во Милано.

Слични содржини