Манчестер Јунајтед официјално го објави составот кој ќе патува во Тајланд и Австралија на претсезонската турнеја. Тој е составен од 31 играч, но во него го нема Кристијано Роналдо.
Португалската ѕвезда во понеделник требаше да се врати на тренинзите заедно со останатите соиграчи кои беа посветени на националните тимови, но поради семејни причини тој досега не се приклучи на тимот.
Медиумите продолжуваат да шпекулираат дека Роналдо сака да ги напушти „црвените ѓаволи“ и да се пресели во тим кој се натпреварува во Лигата на шампионите.
🚨 #MUTOUR22 SQUAD 🚨
Erik has named a 3️⃣1️⃣-man squad to travel to Thailand and Australia this pre-season… 💪🔴#MUFC
— Manchester United (@ManUtd) July 8, 2022
Меѓу најавените 31 играч, има само едно ново засилување во лицето на Тајрел Маласија, кој пристигна за 15 милиони од Феенорд.
Покрај тоа, има 13 јуниори од академијата на тимот кои ќе добијат шанса да го импресионираат новиот тренер на тимот Ерик тен Хаг. Меѓу нив се големите надежи на 20-кратните шампиони Зидан Икбал, Ханибал Межбри и Алехандро Гарначо, но забележливо е и отсуството на Фил Џонс.
Манчестер Јунајтед ќе се соочи со Ливерпул во вторник на 12 јули во нивниот прв „загревачки“ натпревар.