312
Доколку Јувентус не ја обезбеди Лигата на шампионите следната сезона, Кристијано Роналдо ќе го напушти тој клуб.
Италијанските медиуми пренесуваат дека Манчестер Јунајтед најмногу е заинтересиран за Португалецот.
Менаџерот на Роналдо, Жорже Мендеш го понудил својот пулен на Реал Мадрид и Пари Сен Жермен, но нивниот одговор бил негативен.
Проблем може да биде платата на 35-годишниот фудбалер, која во моментов изнесува 31.000.000 евра годишно во Јувентус.
Јунајтед покажува интерес, а работата ќе се заврши само ако Роналдо се согласи на плата половина пониска од онаа што ја има во Торино.
Роналдо е во Јувентус од 2018 година, а неговиот договор истекува следната година.
Јунајтед е подготвен да му понуди двегодишна соработка.