Матаис де Лихт е голема желба на Баерн. Спортскиот директор на клубот од Минхен, Хасан Салихамиџиќ вчера отпатува за Италија и одржа состанок за да го обезбеди доаѓањето на холандскиот дефанзивец. Договор не беше постигнат бидејќи Јувентус бара 100 милиони евра и за нив е исклучително важно да обезбедат соодветна замена, информира италијанскиот новинар Џанлука ди Марцио.
Според неговите информации, торинскиот клуб во моментов разгледува пет опции. Првиот е дефанзивецот на Наполи, Калиду Кулибали, чиј агент Фали Рамадани исто така е во преговори со Челси. Покрај Сенегалецот, Ди Марцио ги споменува Габриел Магалхаес од Арсенал, Бремер (Торино) кој е блиску до Интер, потоа Беноа Бадијашиле од Монако и Пау Торес од Виљареал.
Да потсетиме, 22-годишниот Де Лихт во Јувентус пристигна во 2019 година од Ајакс за 85 милиони евра. Досега има 87 настапи во италијанскиот шампионат и постигна осум голови.
За холандската репрезентација одигра 38 натпревари.