Како е можно некој што е вакциниран да се зарази со коронавирус?

од Nikola Popovski

По наводите дека е можно да се заразите со коронавирус и откако ќе ја примите вакцината против коронавирус, хрватскиот епидемиолог Бранко Колариќ објасни како е можно да дојде до тоа.

Ако некој се вакцинира и се зарази со Ковид-19, како што вели Колариќ, тој не го добил вирусот од вакцината.

„Сакам да напоменам дека кога некој е вакциниран и се зарази со болеста, тој не го добил вирусот од вакцината. Тоа е невозможно, но тој бил во фаза на инкубација. Вакцината го учи нашето тело како да се бори против вирусот и му треба одредено време, првите ефекти треба да траат околу десет дена до две недели. Можно е да се заразите со вирусот во таа недела. Луѓето кои ја примиле првата доза и се разболеле, втората доза ја добиваат по распоред доколку нивната изолација заврши. Ако не, тогаш ја добиваат по завршувањето на изолацијата “, објасни Колариќ за Дневник.хр.

Всушност, вакцината што ја примаме не ни дава моментален имунитет на вирусот, но потребно е време за да се развие отпорност. Затоа, во случај на вакцината Фајзер/Бионтек, но и во случајот со руската вакцина „Спутник V“, се даваат две дози и потребни се вкупно 28 дена за да се постигне целосен имунитет на коронавирусот.

На вакцините им требаат барем неколку дена за да ја активираат нивната заштита. Вакцината на Фајзер е дизајнирана околу молекулата наречена mRNA, која влегува во човечките клетки по инјекцијата и ги насочува кон производство на коронавирусен протеин наречен „спајк“.

Ниту една од овие компоненти не е заразна или може да предизвика Ковид-19. Но, тие работат со имитирање на коронавирусот, учејќи го телото да го препознае вистинскиот вирус и да го порази, доколку некогаш влезе во телото, објаснуваат експертите.

loading...

Слични содржини