Минатиот викенд од Италија пристигнаа две дијаметрално спротивни слики. Од една страна, среде пандемијата на коронавирус, Италијанците се втурнаа во божиќен шопинг, отфрлувајќи ги мерки за заштита. Од друга страна, народните кујни во земјата, особено на југот, се полни со очајни корисници кои поради коронавирусот останале без работа и извори на приход.
Медицинските работници беа шокирани кога во јавноста се појавија фотографии од преполни градски улици и дуќанџии кои брзаа да ги искористат олеснувањата на епидемиолошките мерки за купување подароци за Божиќ и Нова Година и да уживаат во пијалоците во новоотворените барови и ресторани.
„Никогаш повеќе да не видиме слики како овие денес: Мораме да го избегнеме третиот бран“, изјави луто Доменисио Аркури, италијанскиот комесар за Ковид-19.
Додека трговските центри и продажни места се затворени за време на викендите, продавниците и стоковните куќи можат да останат отворени под услов да го земат предвид бројот на клиенти, што доведе до создавање долги редици пред и голем број луѓе во трговските улици низ Италија. Во Рим, центарот на градот бил толку полн што полицијата привремено ја блокирала фонтаната Ди Треви.
Земјата која беше најпогодена од европска држава во првиот бран на короната, падна во длабока рецесија и се повеќе и работноспособно население ги загуби своите работни места поради пандемијата и затворањето.