Против одминувањето на годините не можеме ништо да преземеме, туку да почнеме да се гордееме со тоа што сме успеале за тоа време да го направиме и постигнеме.
Сите ние различно старееме и различно гледаме на тоа што животот ни носи.
Сакате да дознаете нешто повеќе за себе во тој поглед? Прочитајте за својот хороскопски знак:
Овен
Овните се ужаснуваат од самата помисла на стареење. Но, овој знак е под силно влијание на Марс, такашто енергијата нема да им заслабне со текот на времето. Единствено може да им биде потребен повеќе сон отколку во раните 20-ти. Со текот на годините, Овните учат како да го скротат својот темперамент, а со тоа и расте нивниот углед во средината.
Бик
Биковите се тресат на самата помисла дека нивната убавина може да избледи низ годините, но не треба да се грижат, бидејќи шармот и допадливоста се особини на кои времето не им може ништо. Со Бикот управува Венера, планетата на љубовта, па така никогаш нема да ја изгубат способноста да ги прават среќни оние кои ги сакаат.
Близнаци
Припадниците на овој знак не се многу воодушевени од тоа дека времето минува. За среќа, нивната планета, Меркур, им подарила доволно логика и аналитичност за разумно да ја прифаќаат зрелоста. Така, тие се радуваат дека стареењето им носи и повеќе мудрост и повеќе време за уживање во заработените пари.
Рак
Кога ќе им зараснат љубовните рани од младоста, Раковите почнуваат да уживаат во животот. Со нив управува Месечината, симбол на домот и семејството. На Раковите во возрасните години им расте пожртвуваноста за најблиските, а најмногу уживаат во кругот на поширокото семејство. Таму се чувствуваат безбедно и среќно.
Лав
Доаѓа во моментот кога горделивиот Лав конечно сфаќа дека не е веќе во центарот на вниманието, туку некој помлад, кој почнува да го прима влијанието на Сонцето. Но, низ годините Лавот се стекнува со почит, доверба и авторитет, а тоа е она што го бара целиот живот.
Девица
Со овој знак управува Меркур, кој ја поттикнува љубопитноста на Девицата. Затоа и претставниците на овој знак не остаруваат туку-така. Нив ги краси и младешки изглед, но и беспрекорна комуникативност. Зрелите години ги користат за напредок во кариерата и финансиите.
Вага
И со Вагата управува Венера, планетата на убавината и љубовта. Затоа и овие луѓе изгледаат убаво дури и во возрасните години. Нивниот шарм е дел од нивната привлечност, но може да се соочат со проблеми со вишокот килограми.
Скорпија
Со Скорпиите владее Плутон, па затоа прво ги гледаат негативните аспекти на стареењето и се фрустрираат поради минливоста на животот. Но, нивните аналитички дух и смислата за хумор им помагаат да се изборат со предизвиците кои им ги носи иднината. Не сакаат враќање во младоста, бидејќи тоа ги потсетува на љубовна болка.
Стрелец
Првите брчки сигурно ќе ги растажат, но тоа нема да трае долго. Стрелците многу брзо ќе ја сфатат мудорста и филозофијата на стареењето, благодарение на Јупитер, планетата на оптимизмот. Затоа и во душата ќе останат вечно млади, љубопитни, а и ќе се погрижат секогаш да се во добра физичка кондиција.
Јарец
Со Јарците управува Сатурн, планетата на зрелоста, знаењето и амбициите. Затоа тие не можат да разберат како некој може да жали по минатото. Уште во младоста тие имаат позрели амбиции од врсниците, но затоа кога се возрасни секогаш имаат висока функција и добар живот.
Водолија
Тие се плашат од стареењето, но потоа сфаќаат дека од тоа имаат само корист. Ментално се млади, креативни и автентични во тоа што го прават, благодарение на нивниот сојузник Уран. Единствено треба повеќе да се грижат за своето здравје и редовно да се одмараат.
Риби
Во нивни очи годините минат пребзо и тоа им предизвикува необјаснив страв. Затоа треба навреме да почнат да водат сметка за здравјето и финансиите. Поради влијанието на Нептун, тие се емотивни и сочувствителни, а овие карактеристики со текот на времето стануваат сè поизразени.