На најмалку тројца воени полицајци им е наредено да играат „Pokemon Go“ во канадските бази низ целата земја.
Ова се случи откако играчите нападнаа полициски објекти во обид да го фатат прогонетиот Покемон. Напаѓачите не беа странски агенти, туку големи фанови на популарната апликација Pokemon Go – лансирана во 2016 година. Тие обидувајќи се да фатат што е можно повеќе од виртуелните карактери на играта, влегле и во ограничени области на армијата.
Голем број на уапсени уапсени во текот на летото, ја запрепасти армијата, според внатрешните документи добиени од канадскиот јавен телевизиски канал Си Би Ес.
„Наводно Форт Фронтак е засолниште на Poke Gym и Poke Stop“, пишува мајорот Џеф Монахан, од канадските сили во Кингстон.
„Да бидам потполно искрен – немам претстава што е тоа“, рече тој во изјавата по разгледувањето на скоро 500 страници воени документи.
Како резултат најмалку тројца воени полицајци, во разни бази низ целата земја, добија задача да талкаат низ воените објекти со телефони и тетратки во рака за да бараат виртуелна покемонска инфраструктура и херои.
„Размислуваме да ангажираме 12-годишник за да ни помогне во тоа“, вели експертот за безбедност Дејвид Левеник, од базата во Онтарио, 100 километри северозападно од Торонто.
На влезот во базата, една жена била фатена како игра „Pokemon Go“ додека нејзините три деца се качувале со тенкови. Еден човек, во одделно апсење во истата база, објасни дека само собирал поени играјќи „Pokemon Go“ и му кажал на персоналот: „Морам да ги тргнам децата.“
Набргу по објавувањето на играта, вооружените сили дури мораа да издадат јавно предупредување до играчите да не влегуваат во воени бази.
Но, некои ја гледаат позитивната страна во приливот на ловци на Покемон.
„Можеби ова ќе ги зголеми посетите во музејот!“, изјави мајорот Алисија Сосиете од базата Онтарио.