Карлеуша за Цеца: Таа е најголемиот срам за српскиот народ, се дружи со убијци и киднапери

од Nikola Popovski

Поп дивата Јелена Карлеуша на својот Инстаграм профил се огласила за епизодата од серијата „Херои на злото време“, што ќе се емитува вечерва на телевизијата Н1, а која во новата епизода се занимава со ликот и делото на пејачката Светлана Цеца Ражнатовиќ.

Имено, Карлеуша објасни зошто одбила да биде гостинка во документарниот филм, бидејќи веќе две децении јавно зборува за неа и за злосторствата што ги сторила во соработка со најголемите криминални кланови од нашите простори.

„Тие ме повикаа да учествувам во овој документарец за Светлана Ражнатовиќ и да сведочам за она што го доживеав од неа и нејзината екипа. Одбив, не затоа што немам што да кажам, туку затоа што јавно зборував веќе 20 години. Фактот дека луѓето дури сега ги „отворија очите“ и сфатија која е оваа жена, е друга тема! Таа е најголемиот срам на српскиот народ затоа што народот ја нарекуваше „српска мајка“, и таа беше сè, само не мајка. Близок соработник на убијци, киднапери, воени злосторници, атентатори на премиерот. Листата е застрашувачка. Имав храброст да зборувам за тоа јавно 20 години, додека платените медиуми ме сатанизираа и забрануваа (сè уште ме забрануваат, но сега можат само да го дуваат). Сега, кога нејзиното заврши и таа е ирелевантна, не сакам да учествувам во болниот пад на таа жена, иако дефинитивно го заслужи тоа“, напиша Карлеуша.

Да потсетиме, пред емисијата „Српска мајка“ од серијата „Херои на злото време“ да стигне до монтажерите фолкерката Светлана Ражнатовиќ најпрво испратила барање до редакцијата на телевизијата Н1, а потоа и до продукцијата на ЈСП преку законски застапник, „да не се емитува емисијата за нивната клиентка“.

Исто така, беше наведено дека, доколку не се постапи по писмото, Светлана Ражнатовиќ ќе биде принудена да „покрене соодветна судска постапка со цел да го заштити нејзиниот карактер и дело“. Јована Полиќ, една од авторите на споменатата серија, за Н1 вели дека без оглед на сето тоа, приказната ќе се емитува во вторник во 20 часот на ТВ Н1.

Foto: Damir Dervišagić, Dragan Kadić

Слични содржини