Касами официјално кандидат за градоначалник на Тетово

Движењето Беса ја официјализираше кандидатурата на партскиот лидер Билал Касами за градоначалник на Тетово.

Партискиот претседател од градскиот плоштад порача дека ќе се бори за европско Тетово.

-Тетово не бара импровизација во работата, бара системска работа. Општина Тетово не треба да вработува луѓе само за да пишуваат коментари на социјалните мрежи, платени медиуми за да нема критика и да не се кажува реалноста. Тетовчаните заслужуваат да знаат каде оди секој денар од општинската каса. Тетовчаните заслужуваат активно да учествуваат во трансформацијата на нивниот град. Овој град е толку важен и има толку можности, истакна Билал Касами на собранието.