Ќе се врши дезинфекција на клупите при кабинетската настава, вели Царовска

од Nikola Popovski

Ќе се врши дезинфекција на клупите при кабинетската настава (децата ги менуваат училниците за наредниот предмет), информира министерката за образование Мила Царовска за емисијата „10 минути“ на ТВ 21, одговарајќи на прашања во врска со утрешниот почеток на наставата со физичко присуство и како ќе се одвива таа во услови на пандемија.

Според неа, нема никаква дилема дека тоа може да се спроведе.

-Жените влегуваат во училниците и ги чистат клупите кои се изложени на допир. На крајот на смената ќе се врши целосна дезинфекција, но тука имаат поголема пауза, а пауза има и за време на големиот одмор, рече Царовска.

Таа додаде дека експерти од МОН ги спроведуваат овие протоколи, и сега обврска е да се почитуваат.

-Највисок интерес на учениците е да бидат во училиште. Тоа го покажаа развиените земји и земјите од регионот. Ние сме единствената држава, која најдолго остана со онлајн учење во претходната година, вели Царовска.

Слични содржини