Напаѓачот на Тотенхем, Хари Кејн, бара гаранции од претседателот Даниел Леви и од бордот на директори дека менаџерот на тимот Антонио Конте ќе добие соодветна поддршка во текот на летниот преоден рок. Дури откако ќе види дека тоа се случува, англискиот репрезентативец ќе одлучи дали својата иднина ќе ја поврзе со „мамузите“.
Кејн сакаше да замине минатото лето кога беше на прагот на трансфер во Манчестер Сити. Неговата главна причина за тоа е што 28-годишниот капитен на Англија сака да почне да освојува трофеи во кариерата. На крајот Леви одби да го пушти, што според медиумите на Островот го натерало Кејн да се чувствува измамено. Сега, сепак, напаѓачот смета дека Конте е човекот кој може да стави крај на оваа суша без трофеј, која трае 14 години за Тотенхем. За ова, сепак, клубот мора да го поддржи Италијанецот со значителна сума за квалитетни трансфери на лето.
Според информациите, Кејн може дури и да потпише нов договор доколку види дека тоа се случува. Сепак, доколку дознае дека раководството на клубот не е подготвено да го поддржи Конте соодветно, напаѓачот најверојатно повторно ќе побара трансфер.
Кејн има договор со Тотенхем до 2024 година. Освен Манчестер Сити, со него се поврзува и другиот клуб од Манчестер. Веројатноста за евентуален трансфер на „Олд Трафорд“ уште повеќе ќе се зголеми доколку Маурицио Почетино стане менаџер на Манчестер Јунајтед.
Двајцата се многу блиски од времето поминато заедно во Тотенхем.