Полицијата на Република Српска ги испитува смртните закани упатени кон српскиот член на Претседателсвото на Босна и Херцеговина, Милорад Додик, пренесува „бе92“.
Заканите по живот на Додик биле упатени за време на гостувањето на претседателот на ПДП, Бранислав Бореновиќ, во емисија на телевизијата БН, објави АТВ, а пренесе РТРС.
Министерството за внатрешни работи на Република Српска соопшти дека „ќе бидат преземени сите мерки и активности предвидени со закон за да се утврдат сите факти и околности на овој случај и надлежните органи ќе бидат известени за сè“, објави АТВ, пренесе „Спутник“.
Гледачот кој телефонски се вклкучил во емисијата и се претставил како Саво од Германија, го прашал Бореновиќ: „Некогашниот американски претседател Кенеди е ликвидиран, дали може да биде ликвидиран и господинот Додик?“.
И Бореновиќ и водителката на емисијата Сузана Раџен Тодориќ реагираа велејќи дека ваквите прашања не се соодветни и гледачите повеќе да не ги поставуваат.