Колони возила чекаат на граничните премини за влез во Србија поради почетокот на бесплатната вакцинација на странски државјани во Белград за време на викендот, а најголема гужва има на премините со БиХ.
Камерите на Српското министерствот за внатрешни работи покажуваат колони возила на влезот во Србија на премините Мали Зворник, Сремска Рача и Трбушница.
Колони со возила се и на преминот Хоргош, на влезот во Србија од Унгарија, но исто така и на Батровци и преминот Шид кон Хрватска. Вакцинацијата на странски државјани ќе започне викендов, што ќе се одржи во Белград и Нови Сад.
Стопанската комора на Србија, во соработка со Владата на Србија, обезбеди 10.000 вакцини за бизнисмени и вработени од регионот како дел од имунизацијата.
Така, викендов ќе биде организирана вакцинација во Белград за бизнисмени и нивни вработени од Босна и Херцеговина, Црна Гора, С. Македонија, Албанија, како и за косовски бизнисмени.
На порталот Е-влада, се наведува дека покрај граѓаните на Република Србија, странски државјани со и без престој во Србија исто така можат да изразат интерес за вакцинација против Ковид-19.