Ким Џонг-ун одби меѓународна помош

од Vladimir Zorba

Севернокорејскиот претседател Ким Џонг-ун издаде наредба да ги одбие сите понуди на меѓународна помош како резултат на силните поплави.

Тој рече дека тоа може да ги изложи луѓето на коронавирус.

Водачот на Северна Кореја изјави на состанокот на високи функционери дека контролата на границата треба да се заостри, пренесува Би-Би-Си, повикувајќи се на државните медиуми.

Северна Кореја тврди дека нема потврдени случаи на коронавирус, но здравствените експерти велат дека тоа е малку веројатно.

Денес, карантинот воведен во градот Кесонг беше укинат по сомневање за заразен човек. Не е објавено дали сомнителниот случај имал Ковид 19.

Земјата беше погодена од обилни монсунски дождови, кои траеја неколку недели.

Повеќе од 20 луѓе беа убиени, а 16 000 куќи беа уништени.

Слични содржини