Сликите објавени од кинеската вселенска агенција детално ја опишаа црвената, рамната и покриена со камен површина на Марс, заедно со ровер и платформа за слетување кои слетаа на површината на Марс минатиот месец.
Серија слики со висока резолуција објавени на веб-страницата на Кинеската национална вселенска управа (ЦНСА) го прикажуваат теренот на црвената планета во боја, како и платформата за слетување и роверот Џуронг, наведува ЦНСА.
Source: https://t.co/Z7gADtU7OE / https://t.co/i9KbBueeHO pic.twitter.com/02Jygakeah
— A Certain Chinese Mars Rover (@PRCMarsRover) June 11, 2021
Сликата погоре ја покажува површината на Марс, која се чини релативно рамна, со карпи со различна големина расфрлани насекаде. Тие имаат мазни рабови, имаат посветла боја од теренот и се полузакопани, според ЦНСА. На крајот од сликата има прстенеста јама со потемни, аголни камења и неколку песочни дини понатаму.
We're about 21 days/20 sols into the Zhurong rover's nominal 90-sol primary mission in Utopia Planitia and we've seen/heard nothing since deployment onto the Red Planet on May 22. Updates would be valuable. pic.twitter.com/aUqZejUbL0
— Andrew Jones (@AJ_FI) June 4, 2021
Следната слика, која ја покажува платформата за слетување, е направена кога роверот се оддалечил од платформата за околу шест метри. Беа прикажани и кинеското знаме и контурата на маскотата за Зимските олимписки игри и Параолимписките игри во Пекинг во 2022 година.
Кинеската мисија Тијанвен-1, која се состои од орбитер, платформа за слетување и ровер, беше лансирана минатиот јули. Сондата што го носеше роверот слета во огромна рамнина во северната хемисфера на Марс, на 15 мај.
Ровер Џуронг се спушти од платформата за слетување на површината на Марс на 22 мај, со што започна истражувањето на Црвената планета. Ја истражува областа 28 марсовски дена (марсовски ден е приближно 40 минути подолг од еден ден на Земјата).
Роверот ја истражува површината на Марс и бара траги од вода или мраз што би можеле да ни помогнат да разбереме дали некогаш имало живот на Марс.
Ова е најновата серија слики објавени од ЦНСА од слетувањето на орбитерите, пренесува РТ.
Фото: Tanjug / CNSA via AP