Кина: Уапсен напаѓачот кој уби три лица во градинка, од кои едно е дете

од Stefanija Kuzmanovska

Кинеската полиција уапси четириесет и седумгодишен маж осомничен за нападот во градинка во провинцијата Џиангси на југот на Кина, во кој загинаа три лица, а шест беа повредени, соопшти полицијата.

Полицијата на округот Анфу соопшти дека Лиу Ксијаохуи бил уапсен синоќа во 10:50 часот, околу 12 часа по нападот. Тој претходно избегал и се криел од полицијата.

Полицијата не го соопшти идентитетот и возраста на жртвите, пишува АП.

„Глобал тајмс“ објави дека најмалку една жртва се верува дека е дете и дека напаѓачот бил вооружен со нож.

Насилството со оружје е ретко во Кина, делумно поради строгите контроли и безбедносните мерки, но неодамна имаше неколку напади со нож и секира, вклучително и во училишта.

Слични содржини