Кина воведе санкции за четири американски медиуми, присутни во таа азиска земја, откако САД воведоа слични мерки против кинеските медиуми.
Асошиејтед Прес (АП) и Јунајтед Прес Интернационал (УПИ), ЦБС и радио НПР, мора да достават список на своите вработени и недвижнини во рок од седум дена, како и извештаи за финансиското работење во Кина, изјави кинескиот портпаролот на Министерството за надворешни работи, Жао Лијан на прес-конференција.
Тој рече дека тоа е неопходен одговор на „неразумната репресија на американската влада против кинеските медиуми во САД, пренесува Хина.
На 22 јуни, американската влада го смени статусот на четири кинески државни медиуми, прогласувајќи ги за „пропагандни тела во Пекинг“, а нивните канцеларии на американска територија сега се сметаат за „странски дипломатски мисии“.
Кинеските медиуми, вклучувајќи ги државните CCTV и Глобал тајмс, треба да ги известат американските власти за своите вработени и недвижнини.
Таа американска мерка ја продолжува онаа веќе донесена во февруари за пет други кинески медиуми.
Потоа започна ескалацијата на медиумската војна меѓу двете најголеми светски сили, чии односи беа веќе на ниско ниво како резултат на трговската војна и продолжи со американски обвинувања дека Кина погрешно ја управувала кризата со коронавирус.
Кон крајот на февруари, тројца новинари на Волстрит Журнал беа протерани од Кина за колумни кои, како што сметаат кинеските власти, се расистички.
Американските власти тогаш значително го намалија бројот на дозволите за работа на кинеските новинари на нивната територија, а кинеските власти реагираа со протерување на повеќе американски новинари, вработени во Волстрит Журнал, Њујорк Тајмс и Вашингтон пост.