243
Кинескиот министер за наука и технологија Ванг Жиџанг денес изјави дека земјата во моментов спроведува клинички испитувања на 11 вакцини против вирусот „ковид-19“ и додаде дека четири вакцини веќе влегле во третата фаза на тестирање.
Тој на здравствениот форум во Пекинг оцени дека епидемијата сè уште се шири низ целиот свет и дека не е целосно под контрола, како и дека може да има ново зголемување на случаите на есен и зима, пренесува Тас.
Тој додаде дека Кина обезбеди навремени информации за вирусот корона на Светската здравствена организација, што обезбеди важна основа за истражувачите ширум светот да спроведуваат медицински студии и да развиваат фармацевтски производи.