Кирацовски за Фокус тврди дека проширената истрага за „Рекет“ не се однесува на него

Пратеникот Александар Кирацовски во изјава за Фокус, тврди дека проширената истрага за предметот „Рекет“ не се однесува на него, иако во соопштението на Обвинителството за гонење на организиран криминал и корупција се вели дека истрагата се проширува на четири нови лица и еден функционер.

„Не сметам дека се однесува на мене, никој не ми се јавил, ниту ми кажал нешто“, рече Кирацовски, кој претходно беше повикан да даде исказ во Обвинителството.