Тој сега е една од најголемите холивудски sвезди, но Џорџ Клуни тврди дека филмот „Бетмен и Робин“ од 1997 година речиси ја уништил неговата кариера, бидејќи луѓето подоцна одбиле да работат со него. 59-годишниот актер исто така вели дека го гледале површно од филмската индустрија бидејќи со години глумел во драмската серија „Служба за итни случаи“. Работите се сменија едвај по соработката со режисерот Стивен Содерберг во филмот „Out Of Sight“ во 1998 година.
„Стивен имаше неколку свои неуспеси, а по Бетмен и Робин, ми требаше нешто успешно. И двајцата бевме некако притиснати на ѕидот. Во тоа време, јас сè уште снимав „Итна служба“ и секогаш е тешко да се префрлиш од серија во филм“, изјави тој за „Сан“.
„По Бетмен и Робин, сфатив дека сум одговорен за филмот, не само за изведбата. И кога го најдов тој филм „Out Of Sight“, го поканив Стивен да го режира. Стивен го режираше пеколно добро тој филм и јас завршив одлична работа со него“, рече тој.
Клуни понатаму вели дека бил благодарен за секоја работа што ја нашол. Тој пораснал во Кентаки, со тато Ник, ТВ-презентер и мама Нина, поранешна мисица.
„Јас сечев тутун за три долари и 33 центи на час. Едно нешто што знаев кога го напуштив Кентаки е дека не сакам да бидам тоа. Значи, згора на тоа, сè беше одлично за мене. Бев актер кој се бореше 15 години. Бев благодарен за секоја работа што ја добивав“, објасни тој и додаде дека покрај талентот, среќата е исто така многу важна.
Сега Клуни е режисер, продуцент и сценарист. Добитник е на четири Златни глобуси, два Оскари и беше награден со АФИ награда за животно дело.
Тој беше именуван за најсекси маж на светот пред да се ожени со адвокатката за човекови права Амал Аламудин во 2014 година. Тие ги добија близнаците Ела и Александар.
Двојката живее меѓу Лос Анџелес и езерото Комо во Италија, каде имаат вила со 25 соби, каде што имаат пречекано многу пријатели, вклучувајќи ги Бекамови, Синди Крафорд, Стела Мекартни и принцот Хари и Меган Маркл.