Коалиција предводена од САД: Уапсивме висок лидер на Исламската држава

од Stefanija Kuzmanovska

Коалицијата предводена од САД соопшти дека во текот на операција утринава го уапсила високиот лидер на терористичката организација Исламска држава во Сирија, пренесува „Ројтерс“.

Коалицијата спроведува рации и напади врз цели на припадници на Исламската држава, која организира терористички напади од нејзиниот пораз на бојното поле пред три години, наведува британската агенција.

„Се проценува дека уапсениот е искусен дизајнер на бомби и едукатор кој станал еден од водачите на групата во Сирија“, се вели во соопштението, во кое се истакнува дека за време на операцијата нема повредени цивили и дека авионите користени во операцијата не биле оштетени.

Коалицијата не прецизираше во кој дел од Сирија се случи нападот денеска, а портпаролот на друга сириска бунтовничка група поддржана од Турција, претходно денеска изјави за „Ројтерс“ дека коалициските сили извршиле хеликоптерски напад врз селото Ал-Хумаира, јужно од Турската граница, прва операција од ваков вид во оваа област.

Слични содржини