Кога Путин е лут „сон не доаѓа на очи“

Рускиот претседател Владимир Путин неодамна ја критикуваше руската влада затоа што веруваше дека цените на некои прехранбени производи скокнале неоправдано.

Вицепремиерот Марат Хуснулин опиша како изгледа кога претседателот е лут.

„Тој (Путин) може да го каже она што го има тивко, спокојно, но многу остро. После тоа, сон не доаѓа на очи. За среќа, тоа не се случува често“, напиша тој на Инстаграм.

Додава дека одвреме-навреме контактира со претседателот, известува за седниците и понекогаш му се јавува на телефон за некои важни прашања.

„Тој секогаш одговара и му благодарам за тоа“, рече Хуснулин.