Како земја со исклучително техничко наследство, особено во областа на автомобилизмот, не е чудно што Германија има голем број регистрирани винтиџ возила на патиштата.
Од 1 јануари 1997 година, сопствениците на автомобили постари од 30 години во оваа земја можат да добијат таблички „H“ за своите автомобили, што укажува дека возилото е потврдено од музеј или автомобилски клуб и дека е главно во оригинална состојба.
Предноста е што вкупните трошоци за регистрација се многу помали и не зависат од масата на автомобилот, волуменот и моќноста на моторот, како и класата на емисија.
Има убедливо најмногу Mercedes W123 со таблички „H“ (43.562 регистрирани), за кои, на пример, сопственикот плаќа осигурување од одговорност од само девет евра месечно. Приближно, тоа претставува најголем дел од трошоците поврзани со регистрацијата.
Следниот олдтајмер по бројност со таблички „H“ е VW Beetle (43.192 регистрирани). Следува VW Transporter (T1, T2, T3 и T4) со 29.238 регистрирани примероци, потоа Mercedes SL, додека на петтото место е Porsche 911 (911, 993 и 996) со 21.774 регистрирани примероци.
S класата е на шестото место, а Golf е на седмото место. По нив следат BMW Серија 3 (Е21 и Е30) и Mercedes 190.
Се разбира, не сите сопственици на стари возила се префрлија на историски таблички, но многу од нив сè уште сакаат да ги задржат старите DIN таблички, како и да ја платат целосната цена на регистрацијата. На пример, само 61 процент од сите регистрирани Mercedes W123 имаат таблички „H“.
Винтиџ возилата се дефинитивно исклучително популарни и очигледно добро одржувани. Од друга страна, просечната старост на возниот парк во Германија не е она што беше. На пример, во 2012 година беше осум и пол години, додека сега е 10,1 година.
Уште полошо е со мотоциклите и скутерите – нивната просечна возраст е 19,1 година.