Актуелно
Почетна / Македонија / Кои се протоколите на МОН пред новата учебна година: Преполовени паралелки, скратени часови, наставници кои ќе ја предаваат истата лекција скратено

Кои се протоколите на МОН пред новата учебна година: Преполовени паралелки, скратени часови, наставници кои ќе ја предаваат истата лекција скратено

Преполовени паралелки,  скратени часови, наставници кои ќе ја предаваат истата лекција скратено, по 20 минути на 2 групи од исто одделение. Ова се само дел од препораките и протоколите на Министерството за образование и наука (МОН) за новата учебна година, објави Телма.

Како што е наведено, одложување на почетокот на учебната година нема да има, па се очекува учениците со маски на лицето и на дистанца да се најдат во училишните клупи на први септември.

– Протоколите за отворање на училиштата се готови, останува да се доконкретизираат некои работи. МОН побара од СОНК да се вклучи со свои препораки и мислења, па очекуваме да добиеме став од нив до четврток, а за од понеделник протоколите да можат да бидат усвоени на седница на Владата – изјавила за Телма, Елизабета Наумовска, заменик-министерка за образование.

loading...