Шефот на британската дипломатија, Доминик Раб, член на новата гарда на политичари на Конзервативната партија, официјално ќе го замени премиерот Борис Џонсон додека се бори со коронавирусот во единицата за интензивна нега на болницата „Свети Томас“ во Лондон.
Убеден евроскептик, носител на црн појас „трет ден“ во карате и аматерски боксер, Раб (46) го наследи токму Џонсон како министер за надворешни работи.
Раб ќе го менува премиерот
Од „Даунинг стрит“ број 10 во понеделникот објавија дека Раб сега ќе го замени и Џонсон како премиер „кога е потребно“.
Доминик Раб е „цврст и остроумен. Тој не е личност што може да го заплашите“, рече неговиот поранешен шеф, поранешниот министер за „Брегзит“, Дејвид Дејвис. „Тој е лојален и дисциплиниран“.
Претставник е на новата генерација на конзервативци кои влегоа во парламентот во последните десет години.
Раб е син на еврејски бегалец од Чешка, кој пристигнува во Велика Британија во 1938 година. Неговиот татко починал од карцином кога имал само 12 години и израснат е од неговата мајка во англиканска вера.
Студирал право на Оксфорд и Кембриџ
Студирал право на престижните универзитети Оксфорд и Кембриџ.
Како млад адвокат, кој специјализирал за меѓународно право, тој се вработил во адвокатската фирма „Линклајтерс“, а подоцна се придружил на Министерството за надворешни работи каде занимавал со прашањата за тероризмот на море.
Во 2003 година, тој е назначен во дипломатскиот тим на британски правници кои ги испитуваа воените злосторства на Слободан Милошевиќ, Радован Караџиќ и Чарлс Тејлор во Хаг.
Помеѓу 2006 и 2008 година, тој беше шеф на кабинетот на Дејвид Дејвис, тогашен конзервативен министер за внатрешни работи во сенка.
Тој беше избран во британскиот парламент за прв пат во 2010 година. Пет години подоцна, тој за прв пат влезе во извршната власт, кога стана заменик министер за правда во владата на Џејмс Камерон.
Активист во кампањата за Брегзит
Една година подоцна, пред референдумот во Брегзит, тој веќе е жесток активист во кампањата за излез од ЕУ.
Тој се враќа во владата во 2017 година прво како министер за правда, а потоа и домување. Тереза Меј го назначи за министер за Брехзит по оставката на Дејвид Дејвис во 2018 година, но Раб не се двоумеше да ја напушти функцијата по три месеци, откако беше незадоволен од договорот, кој Меј го склучи со Брисел.
По оставката на Тереза Меј, тој се кандидираше за претседател на Конзервативната партија, но испадна во вториот круг, и заврши на шестото место. Тој тогаш го поддржа и последниот победник, Џонсон, кој му возврати со тоа што го именуваше за министер за надворешни работи.
Тој е оженет и има два сина – Петер и Џошуа.