Актуелно
Почетна / Глобално / Балкан / Која е Екатерина Сакеларопулу, првата жена претседател на Грција?

Која е Екатерина Сакеларопулу, првата жена претседател на Грција?

Грчкиот парламент денес ја избра поранешната шефица на Врховниот суд во Атина, Екатерини Сакеларопулу (64) за прва жена претседател на Грција.

Сакеларопулу е родена во Солун во 1956 година и студиите ги завршила на Правниот факултет на Универзитетот во Атина во 1978 година, пренесува „Greek Reporter#.

Својата специјализација ја заврши во Сорбона во Париз за време на отсуството од Врховниот суд на Грција помеѓу 1989 и 1990 година.

На предлог на СИРИЗА, Сакеларопулу беше промовиран во шефица на Врховниот суд во октомври 2018 година.

Има огромно искуство во наставата, како советник за образование и надворешна политика во Министерството за надворешни работи и во синдикатот на судии.

Како долгогодишна судијка, таа ја вршела функцијата претседател на грчкото друштво за животна средина од 2015 година и активно работела на големи случаи на животна средина, вклучително и пренасочување на реката Ахелос во Тесалија и зачувување на историски бегалски згради на авенијата Александра во Атина.

Сакеларопулу е автор на повеќе книги и зборува англиски и француски.

Што се однесува до нејзиниот приватен живот, таа е разведена, мајка е на едно дете и живее во Атина.

loading...