Славниот Ливерпул 30 години чекаше за нова титула.
Најзаслужен за овој историски успех на клубот од „Енфилд“ е големиот германски стручњак Јирген Клоп, кој е креатор на овој нов моќен Ливерпул.
Сепак, навивачите на Ливерпул треба да се заблагодарат на една жена за прославата, харизматичната русокоса Ула, која од сенка донесе неколку судбински одлуки за клубот од „Енфилд“.
Ула, сопругата на Јирген Клоп, одигра клучна улога пред пет години во доаѓањето на Германецот на „Енфилд“ наместо „Олд Трафорд“ и за преземање на играчите на Ливерпул наместо Јунајтед.
Германецот беше близу до договор со Јунајтед, тој скоро потпиша договор, кога интервенираше згодната Ула. Таа му рече дека мислела дека тоа не е вистинскиот потег и Клоп се откажал.
Кога германскиот тренер ја освои Лигата на шампионите со Ливерпул, првото нешто што тој рече беше: Успеавме, Ула! И таа го чекаше во публиката во Ливерпул, а повторно се славеше и пред неколку дена.
Јирген се ожени со Ула Сандрок во декември 2005 година, тие се запознаа во Минхен, а по само три дена започнале да живеат заедно. Ула работеше како келнерка на познатиот „Октобарфест“. Таа го одгледа својот син самостојно, работејќи како психолог за деца.
Пред да се сретне со тогашниот тренер на Мајнц, работеше во Кенија три години како учителка.