Коктелот со антитела што го излекува Трамп – втора одбранбена линија за луѓето кои не се вакцинирани

од Nikola Popovski

Резултатите од клиничкото испитување покажуваат дека коктел-терапијата со моноклонски антитела, развиен од производителот на лекови „Регенерон“, обезбедува силна заштита од Ковид-19 кога се дава на луѓе кои живеат со некој кој е заразен со коронавирус.

Новите податоци за „Регенерон“ доаѓаат од клиничко испитување во кое учествувале повеќе од 1.500 луѓе кои живееле во исто домаќинство со некој што бил позитивен на вирусот, а оние кои за четири дена добиле инјекција со лекот имале 81 процент помали шанси да се разболат од коронавирус во споредба со волонтери кои биле третирани со плацебо.

Лекот може да понуди втора линија на одбрана против лица кои не се заштитени со вакцини, а овие резултати се најновите докази дека ваквите лекови произведени во лабораторија не само што ги спречуваат најлошите резултати на болеста кога се даваат доволно рано, туку исто така помагаат да се спречат луѓето да се разболат ., пишува „Њујорк Тајмс“.

Лековите како „Регенерон“ можат да обезбедат нов начин за заштита на ризичните групи на луѓе кои не биле вакцинирани или кои можеби не реагираат добро на вакцините, и ова може да биде важна алатка бидејќи растечките случаи на коронавирус и опасните видови на вирусот се закануваат ја надминуваат вакцинацијата.

Од компанијата во изјава соопштиле дека ќе побарааѕ од американската Администрација за храна и лекови да го прошири итното одобрување на лекот, кое моментално важи за луѓе од висок ризик кои веќе имаат Ковид-19, но не се хоспитализирани, за да се овозможи превентивна употреба кај соодветното население.

Коктелот на Регенерон, комбинација на два лекови дизајнирани да имитираат антитела кои природно се генерираат кога имунитетниот систем се брани од вирусот, доби на публицитет минатата есен кога го прими тогашниот претседател Доналд Трамп, откако се зарази со корона.

Слични содржини