Комедијата „Everything Everywhere All At Once“ води во трката за Оскар со 11 номинации

Комедијата „Everything Everywhere All At Once“ води во трката за Оскар со 11 номинации, објави денеска Американската академија за филмски уметности и науки, која ги доделува тие филмски награди.

Необичната приказна за сопственикот на перална потопена во паралелни универзуми освои најмногу номинации за Оскар, чија 95-та церемонија ќе се одржи на 12 март во Холивуд.

Германскиот филм „All Quiet on the Western Front“ и ирската трагикомедија „The Banshees of Inisherin“ добија по девет номинации.

Реализацијата на „Elvis“ за легендата на рокенролот Елвис Присли доби осум номинации, додека филмот на Стивен Спилберг „The Fabelmans“ доби седум номинации.