Српскиот епидемиолог Предраг Кон предупреди дека за време на екстремна топлина во затворени простории, како што се трговски центри и сите други места што користат климатизација и каде што посетителите сакаат да се разладат, ризикот од пренесување на вирусот се зголемува, пред се поради повеќе контакти и евентуално подолг престој.
„Ризик има и во градскиот сообраќај“, истакна Кон во објавата на Фејсбук и рече дека во такви услови, потребно е строго да се почитуваат мерките за носење маски во затворен простор.
Според него, засега нема потврда за присуството на делта вирусот, но скоро е сигурно дека тој ќе се појави.
„Сите видови прослави имаат значително поголем ризик за невакцинираните отколку за вакцинираните (1:25 е односот на заразени вакцинирани со невакцинирани во Велика Британија, каде 90% циркулира индиско-делта сојот на коронавирусот)“, напиша Кон.