Коронавирусот удри и по американските конгресмени: Прва жртва на вирусот е републиканецот Рон Рајт

од Stefanija Kuzmanovska

Американскиот конгресмен Рон Рајт почина откако беше тестиран позитивно на КОВИД-19 минатиот месец, соопшти неговата канцеларија во понеделникот, со што стана првиот член на Конгресот на САД кој починал од вирусот кој однесе речиси 464.000 животи во САД.

Рајт, 67-годишен републиканец од Тексас, исто така се бореше против рак.

Тој беше избран за Конгресот во 2018 година и имаше места во комисиите за надворешни работи и образование и работата на Конгресот.

Десетици пратеници од американскиот Сенат и Претставничкиот дом се заразија со КОВИД-19 или беа изложени на смртоносниот вирус во текот на минатата година.

Рајт е единствениот член на Конгресот кој сега подлегна на болеста.

Лук Литл, 41-годишен републиканец од Луизијана, кој победи на изборите за Конгресот во ноември, почина од КОВИД-19 кон крајот на минатата година пред да може да положи заклетва.

Слични содржини