Костадинов: Пратениците на ВМРО-ДПМНЕ не гласаа за намалување на ДДВ за струја по скратена постапка

од Берта Китинска

Вчера парламентарното мнозинството предводено од СДСМ донесе важни законски измени кои го подобруваат животот на граѓаните, порача портпаролот на владејачката партија, Костадин Костадинов.

„А што во меѓувреме правеше ВМРО-ДПМНЕ во текот на вчерашниот ден“, запраша Костадинов, кој потоа наброја некои од потезите на опозициската партија.

„Вчера пратениците на ВМРО-ДПМНЕ не гласаа за усвојување на потребата од скратена постапка при носењето на Законот за додадена вредност и намалување на ДДВ за струја од 18 на 5 отсто.

Вчера ВМРО-ДПМНЕ продолжи да шири лажни вести за македонскиот јазик, иако и Владата и СДСМ секојдневно го повторуваат јасниот став дека за македонскиот јазик нема и нема да им никакви преговори.

Портпаролот на ВМРО-ДПМНЕ вчера како во старите насилнички режимски времиња упадна на седница на Совет на општина Ѓорче Петров, во која и не живее со цел да ја прекине седницата и да предизвика скандал.

Ете тоа нуди ВМРО-ДПМНЕ, лажни вести, насилство, дејствување против интересите на граѓаните“, посочи Костадинов според кого огромна е разликата меѓу концептот на СДСМ кој води напред и концептот на ВМРО-ДПМНЕ кој ја враќа државата назад.

Слични содржини