Ковакс започнува со испорака на вакцините „Фајзер“

Околу 14,1 милиони дози вакцини против ковид-19 од Фајзер се закажани за испорака во 47 земји во вториот квартал од оваа година, објави денеска алијансата за вакцини GAVI.

Според објавениот распоред, Бразил, Колумбија, Мексико, Филипини, Јужна Африка и Украина ќе добијат најмногу од овие вакцини од глобалната програма Ковакс.

Испораките на вакцината на АстраЗенека до 142 земји учеснички се одвиваат според претходно објавениот распоред „со некои одложувања“ што може да ги одложи испораките надвор од мај, се вели во соопштението.