Како што започна пандемијата во март, Амстердам стана град на духови. Познатите кафулиња, бордели, хотели кои со години привлекуваат туристи низ целиот свет, беа празни.
Вирусот сега влијае на она за што беше познат градот, локалното население го загуби историскиот дел на градот. Сега доаѓа борбата за враќање.
– Болно е да се знае колку малку луѓе живеат навистина во центарот и колку малку градот може да им понуди на локалните жители – рече Маша Бругенјект, од локалната градска администрација.
„Мораме да го промениме тоа“, рече таа.
Градовите и државите ширум светот проучуваат што треба да прават поинаку по Ковид 19. За Амстердам, каде што 19 милиони туристи внесуваат повеќе од шест милијарди евра годишно, тоа ќе значи да се постигне подобар баланс помеѓу посетителите и локалното население во неговиот градски центар.
Градоначалникот на Амстердам, Фемке Халсема, го претстави планот да го стори токму тоа на крајот на мај. Мерките што таа ги наведе во писмото до локалниот совет вклучуваат купување на имот и ограничување на дозволите за да се обезбеди стариот град да не е полн само со продавници што продаваат сувенири, канабис и вафли со „нутела“, туку да има и компании каде жителите можат да работат, градат и каде ќе можат да живеат, сакаат и продавници за намирници кои им нудат услуги.
Халсема во писмото забележува дека Амстердам е премногу зависен од туристите.
Локалната самоуправа активно се обидува да привлече компании таму да се преселат во центарот.
– Имаше егзодус на компании овде во изминатите 15 години – се наведува.
Клучен дел од планот на владата за промена на имиџот на Амстердам е преместување на борделите од стариот дел на градот и помал број кафетерии кои ги служат туристите. Нема да биде лесно.
Либералниот пристап кон сексот, дрогата и забавата, а да не ги спомнуваме старите улици од калдрма на Амстердам, канали и тесни живописни куќи, го прават градот популарна туристичка дестинација. Но, со текот на годините, како во Венеција и Барселона, поплавите на посетители го прегазија локалниот живот.
Локалните власти расправаат со години и се обидуваат да спроведат повеќе идеи, како што се ограничување на туристички наеми и забрана за купување на продавници. Советот дури се обиде да ги „поткупи“ сопствениците на бордели, за да ги присили да се иселат.
Сепак, сопствениците на бордели не сакаат да заминат. Проститутките кои работат во улицата со црвени фенери ја сметаат областа, која е полна со камери, како безбедно место, а туристите ги гледаат како нивен најголем приход.
Пандемијата силно го погоди нивниот бизнис. Многу сексуални работници се вратија дома во Источна Европа или продолжија да работат нелегално. Иако борделите се отвораат во септември, тие очекуваат да генерираат само 30% од нормалниот приход, бидејќи туристите генерално ја задржуваат својата дистанца.
Прашањето што се поставува за градските власти е – што точно ќе им понуди Амстердам на туристите и дали ќе продолжат да доаѓаат како порано по овие измени.