Кралицата Елизабета беше во жалост две недели по смртта на нејзиниот сопруг, принцот Филип, а по погребот веднаш следеше нејзиниот роденден, кој го прослави оваа година без голема прослава, на која е навикната јавноста во Велика Британија.
Сепак, како што претходно истакнаа многу членови на кралското семејство, кралицата е тука за да им даде пример на другите, па овој пат се обиде да биде таква. Таа не дозволи да ја совлада тагата за загубата на нејзиниот животен партнер со кој помина седумдесет години, поради што веднаш започна нов проект.
Кралицата Елизабета започна нов бизнис, а станува збор за производство на пиво. Бакингемската палата потврди дека кралицата Елизабета одобрила почеток на производство на пиво од растенија од нејзиниот имот. Ќе се произведуваат два вида пиво, едниот ќе биде типично британско, горчливо пиво, а другото ќе биде посилно.
Ќе се продава во две различни шишиња, едното ќе има специјално дизајнирана етикета на која е нацртан зајак, а на другиот фазан.