КРИК НА ЕКСПЕРТИТЕ: „Ова е нашата последна шанса,мораме да ги намалиме емисиите на метан или не чека катаклизма“

од Stefanija Kuzmanovska

Намалувањето на јаглерод диоксидот нема да биде доволно за решавање на климатската криза. Доколку не се намалат емисиите на метан, ниту порастот на глобалните температури нема да забави, предупредуваат експерти.

Панелот на водечки климатски научници (IPCC) следниот понеделник ќе го објави шестиот извештај за проценка на човековите активности за климатските промени и глобалното затоплување. Заклучокот на оваа обемна работа отприлика гласи „се побрзо трчаме кон климатска катаклизма“.

Една од клучните ставки на овој извештај ќе биде предупредување дека метанот игра се поголема улога во прегревање на планетата. Гас богат со јаглерод, создаден со одгледување животни (најчесто говеда), од бунари за гас создаден од шкрилци, но и од лошо изведена екстракција на нафта и гас на традиционални начини, го загрева светот многу поефикасно од јаглерод диоксидот и има потенцијал за загревање дури 80 пати поголем од СО2.

„Намалувањето на метанот е веројатно единствениот начин да се запре зголемувањето на температурата за 1,5 ° C, точка по која најверојатно ќе има неповратен пораст на екстремни временски настани. Треба да реагираме веднаш“, рече Дарвуд Заелке, претседател на Институтот за менаџмент и одржлив развој и главен рецензент за IPCC.

Според програмата на ОН за животна средина, емисијата на метан се зголеми за рекордна количина минатата година, а сателитските податоци откриваат дека некои од клучните извори на метан се руските бунари за нафта и гас. Имено, гасот може релативно безбедно да се извлече со конвенционално дупчење, но со употреба на модерни техники кои спречуваат значителни емисии на метан. Но, иако дури и земјите како Катар се грижат за емисиите на метан, Русија, која е потписничка на Парискиот договор за климата од 2015 година, направи многу малку напор да ги намали емисиите.

Метанот исто така се произведува со топење на вечниот мраз, и има индикации дека сибирскиот топлотен бран може да ги зголеми емисиите на гасови. Сепак, се верува дека појавата на големи емисии од „пермафрост“ е се уште далеку пред нас, додека емисиите на метан од земјоделството и индустријата може и мора да се решат денес.

Европскиот парламент ја поздрави стратегијата на ЕУ за метан. Парламентот потсетува дека е клучно брзо да се воведат системи за следење на емисијата на метан кои се потпираат на технологии за набљудување на сателити, како што се оние развиени во рамките на програмата Коперникус, и ја повикува Комисијата да предложи мерки за понатамошно намалување на емисиите на метан во енергетскиот сектор.

Еден од приоритетите на стратегијата за подобрување е мерење и известување за емисиите на метан. Нивото на мониторинг во моментов варира помеѓу секторите, земјите -членки и другите земји. Со цел да се намалат емисиите на метан во енергетскиот сектор, ќе бидат предложени задолжителни мерки за подобрување на откривањето и елиминирање на протекување во гасната инфраструктура, а ќе се разгледа и воспоставување законска рамка со која се забранува практика на палење на факели и испуштање во атмосферата. Во дијалог со своите меѓународни партнери, Комисијата исто така ќе ги идентификува можните стандарди, цели и стимулации за увоз на енергија во ЕУ и начини за нивно спроведување.

Слични содржини