Кристијано пред поранешни соиграчи: Да останев во Реал, ќе освоев уште две „Златни топки“

Напаѓачот на Јувентус, Кристијано Роналдо изјавил пред свои поранешни соиграчи дека не требал да го напушти Реал Мадрид, бидејќи само така ќе можел да продолжи да освојува „Златни топки“.

34-годишниот Роналдо го напушти Мадрид во 2018 година по 9 сезони со белиот тим, во кој четири пати ја освои највредната индивидуална награда.

Португалецот смета дека можел да ги однесе почестите во 2018 година и во 2019 година доколку бил во Мадрид, пренесоа медиумите во Шпанија.

Наместо тоа, наградата ја зедоа Лука Модриќ и Лионел Меси.