Здравко Кривокапиќ изјави дека Црна Гора не може да ја прогласи Србија за непријател, со која има семејни, пријателски и кумови врски.
„Тоа не е добро за никој. Србите и Црногорците отсекогаш живееле исклучително добро во историјата и ние мора да негуваме такви односи“, објавил Кривокапиќ на својот профил на Твитер.
Тој додал дека двете земји имаат исклучителни потреби за економска соработка.
„Повеќето од нашите увоз-извозни трансакции одат во Србија“, рекол Кривокапиќ.
Според најавите, Кривокапиќ треба да биде новиот црногорски премиер доколку партиите што имаат мнозинство успеат да се договорат за распределба на ресорите во Владата.
Митрополитот Црногорско-приморски на Српската православна црква, Амфилохије, исто така, денес разговараше со партиите што победија на изборите за формирање на ново мнозинство.