Кризната состојба во енергетиката ќе важи од 1 септември

Министерот за економија Крешник Бектеши најави дека вечерва ќе се прогласи кризна состојба во енергетскиот сектор на национално ниво што ќе важи од 1 септември.
Согласно законите, како што информира попладнево Бектеши по состанокот со градоначалникот на Општина Арачиново Ридван Ибраими, енергетската кризна состојба може да трае 30 дена.

Министерот Бектеши по состанокот, изјави дека од понеделник екипите на ЕВН Македонија непречено ќе работат на терен во Општина Арачиново и на тој начин ќе почне да се наплаќа струјата во оваа Општина, но и на други места.