Двајца демонстранти беа убиени денеска во градот Мичина во Мјанмар, на северот на земјата, кога полицијата отвори оган кон луѓето кои протестираа, потврдија очевидци на немилиот настан и додадоа дека неколку лица се повредени, пренесе „Ројтерс“.
Демонстрантите во Мјанмар протестираат секој ден по воениот удар и соборувањето на владата на премиерката Аунг Сан Су Чи на први февруари, која беше уапсена заедно со неколку членови на владата.
Досега, повеќе од 50 лица беа убиени во демонстрациите во Мјанмар.
Another bloody Monday, this time in #Myitkyina #Kachin, northern #Myanmar where at least 2 people have been reported dead by local media. This as security forces shot to disperse protesting crowds. (Local media pics) #WhatsHappeningInMyanmar pic.twitter.com/a6lYMNAnOd
— May Wong (@MayWongCNA) March 8, 2021
„Уште еден крвав понеделник, овој пат на северот од Мјанмар, каде локалните медиуми пријавија најмалку две мртви лица, додека безбедносните сили пукаа за да ја растераат протесната толпа“, напиша Меј Вон, дописник од Индокина на својот Твитер профил.