Куба стана првата земја во светот во понеделникот што вакцинираше деца на возраст од две години и постари со вакцина против коронавирус, користејќи домашна вакцина која сe уште не е одобрена од Светската здравствена организација.
Државата со 11,2 милиони луѓе има намера да ги вакцинира сите деца пред повторно отворање на училиштата, од кои повеќето се затворени од март 2020 година.
Новата учебна година започна во понеделник, но часовите се одржуваат преку телевизиски програми, имајќи предвид дека повеќето кубански домаќинства немаат пристап до Интернет.
По завршувањето на клиничките испитувања врз малолетници со своите вакцини Абдал и Соберан, Куба во петокот започна кампања за вакцинација на деца на возраст од 12 години и постари.
Дистрибуцијата на вакцини за возрасната група од 2 до 11 години во централната провинција Сиенфуегос започна во понеделникот.
Вакцинацијата на деца на возраст од 12 години и постари е одобрена во неколку други земји во светот, а некои спроведуваат тестови на помали деца.
Земјите како Кина, Обединетите Арапски Емирати и Венецуела објавија дека планираат да вакцинираат помали деца, но Куба беше првата што го стори тоа.