Ќучук: Некој во С. Македонија ја разгорува омразата кон Бугарија

од Nikola Popovski

„Веројатно постои неофицијална политика на влевање омраза кон Бугарија во Република С. Македонија“, изјавил бугарскиот европратеник Илхан Ќучук, за „bTV“.

Кучук говорел на темата за македонско-бугарските односи, прашувајќи кој „палел знамиња и кој ја блокирал работата на Заедничката комисија за историски прашања“. Сепак, сите негови коментари биле во духот дека без дипломатија и подадена рака, нема да има напредок во приближувањето.

-Треба ли да го поставиме прашањето кој провоцира. Очигледно има проблем. Ова го вели и мојот извештај до Европскиот парламент, но големото прашање е зошто Бугарија не го спречи тоа претходно за да не стигне до оваа критично точка во која што е сега, додал европратеникот.

Во последниве десетина дена пред изборите во Бугарија кои ќе се одржат в недела, стигнаа речиси исто толку реакции и изјави од Софија, а Скопје возврати на една- на спотот на потпретседателот на ВМРО-БНД Ангел Џамбаски со територијални претензии кон Македонија.

Претходно министерството за надворешни работи на соседната земја реагираше и за извештај на словенечкиот институт ИФИМЕС во кој Софија тврди дека се навредува Бугарија, а го поврзува со македонската влада.

Слични содржини